WATCH: Mga residente ng isang condo building, nagbigay pugay sa frontliners na nagtatrabaho sa katabing ospital

Nakakaantig ang naging report ng veteran GMA News reporter na si Emil Sumangil sa 24 Oras kagabi kung saan ibinahagi nito ang ginawang noise barrage ng mga nakatira sa La Verti Residences condominium sa Pasay City para ipakita ang kanilang suporta sa mga nagta-trabaho sa katabi nilang ospital na Adventist Medical Center Manila.

Makikita sa report ni Emil ang mainit na palakpakan at hiyawan ng mga residente mula sa kanilang mga balkonahe para sa mga doktor, nurse, staff at janitor ng ospital.

Hindi pa napigilan ng ilan sa Adventist Medical Center na maiyak sa ginawang pagpupugay na ito at ramdam daw nila na na-a-appreciate ang trabaho na ginagawa nila ngayong may COVID-19 pandemic.

Kahit ang mga netizen ay pinusuan ang ginawa na ito ng mga nakatira sa La Verti Residences.

Panoorin ang buong ulat na ito sa 24 Oras sa video na ito:

As of Friday, April 3, nakapagtala na ang Department of Health (DOH) 3,018 COVID-19 cases sa bansa.

MORE UPDATES ON THE CORONAVIRUS:

IN PHOTOS: Celebrities and personalities who tested positive for coronavirus

Grammy winning singer P!NK tests positive, then negative for COVID-19