Maliban sa pagiging isang mahusay na aktor, kilala din si Baron Geisler dahil sa kabi-kabilang showbiz controversies na kaniyang kinasangkutan.
Maraming humahanga kay Baron Geisler dahil sa kaniyang husay sa pag-arte.
Sumikat bilang child star, isa sa mga pumatok niya na pelikula ay ang OFW drama na 'Anak' kasama sina Vilma Santos at Claudine Barretto.
Dating naging nobya ni Baron ang kapwa aktor na si Jodi Sta. Maria.
Sa pagtayog ng kaniyang karera, kabi-kabilang problema naman ang kaniyang kinaharap sa personal niyang buhay gaya ng pagpanaw ng kaniyang German-American father na si Donald David Geisler at paghihiwalay nila ni Jodi. Dahil dito, napabalita ang aktor bilang alcoholic.
Nagpa-rehab si Baron dahil sa alcoholism. Ginamit niya rin ang pagpinta upang makatulong sa krisis na pinagdadaanan.
Noong taong 2011, inireklamo ng beteranang aktres na si Cherry Pie Picache ang aktor dahil sa harrasment umano na ginawa sa kaniya.
Marami na ring aktres ang nagsalita ukol sa pambabatos ni Baron gaya nina Yasmien Kurdi at Julia Clarete.
Noong taong 2016, pumutok ang video na kuha ni Baron na nang-atake ng isang film student from UP.
Naging sangkot din si Baron sa isang away laban sa indie-actor na si Kiko Matos.
Nagka-follow up pa ang kanilang isyu nang dalhin nila sa ring ang kanilang away.
Parte lang pala ng dokyumentaryong 'Project Beastmode' ang away ng dalawa.
Usap-usapan din sa social media ang Facebook post ni Ping Medina na nagsasabing 'binastos' daw siya ni Baron habang nasa set ng kanilang bagong pelikula.
Agad namang nag-release ng statement si Baron via Facebook.
Sa pamamagitan ng kanyang Facebook Live video, ikinuwento ni Baron na binugbog umano siya ng kanyang mga kapatid at bayaw sa kanyang bahay sa Angeles City, Pampanga.
Nagwala at sinugod ni Baron ang kanyang bayaw na si Michael Morales sa pamamahay nito na may dalang patalim. Tinangkaan niyang patayin ang kanyang bayaw kaya balik kulungan ang aktor. Sinampaan siya ng grave threat, alarm and scandal, and illegal possession of deadly weapon. Nakakulong siya sa Angeles City Police Station 3.
Ayon sa latest report ni Mariz Umali sa 'QRT,' handang sumailalim sa rehabilitasyon ang aktor. Pinagbibigyan niya raw ang hiling ng kanyang pamilya at aminado rin siya sa kanyang pagkakamali. Hindi raw matandaan ni Baron ang pagtatangka sa kanyang bayaw.