Chynna Ortaleza at Kean Cipriano may message of appreciation para sa mga frontliners
Nagpadala ng mensahe ng celebrity couple na si Chynna Ortaleza at Kean Cipriano para sa mga frontliners na humaharap ngayon sa COVID-19 pandemic.
Ayon kay Kean, ipinagdadasal nila ni Chynna ang kaligtasan ng bawat isa sa kanilang nagsasakripisyo ng buhay para makapagpagaling ng mga kababayan. Kanya ring pinasalamatan ang iba pang frontliners na nagbibigay serbisyo ngayong enhanced community quarantine.
"Sending our love prayers, respect, gratitude sa lahat ng health workers natin at sa lahat ng iba pang mga frontliners na nagbibigay ng serbisyo sa panahon na ito. Alam natin na hindi ito madali, pero nandiyan kayo para tumulong sa mga ibang tao."
Dagdag pa ni Kean, "Nagsasakripisyo kayo ng maraming bagay sa sarili ninyo para matulungan kaming lahat at ang buong sambayanan. Thank you sa inyo. We're praying for you, sa maliit naming paraan sana ay nakakatulong kami."
Si Chynna naman ay nagbigay ng words of encouragement.
Saad ng Idol sa Kusina star, "I'd like to take this time to encourage everybody to spread a lot of positivity. I think this is the perfect time for us to help each other instead of trying to nitpick and kumbaga throw stones at each other."
Nais rin ni Chynna na ipagdasal ang bawat isa dahil lahat umano ay may dinadala ngayong may pinagdadaanang krisis ang buong mundo.
"I think that we should pray for everybody in general. Of course for the people in the front lines, for the people who are also at home struggling. Kumbaga marami tayong pinagdadaanan ngayon 'yung whole humanity in general. So let's pray for people that we'll have strong faith and we can pull through together. Kasi 'yan lang naman talaga 'yung paraan. We have to help each other out."
Para naman sa kanilang mga artists sa O/C Records, nais umano nina Kean at Chynna na magpatuloy sila sa pag-express ng kanilang sarili sa pamamagitan ng musika.
Saad ni Chynna, "From O/C Records we would like to encourage all the artists to pull together, help each other out. It's best to start creating music, writing, whatever means that we can express yourselves, express your thoughts I think this is the perfect time given by the man above to be able to really express ourselves more."
"We really hope this time will be a time of good faith," pagtatapos ni Chynna.
Panoorin ang kabuuang mensahe nina Chynna at Kean:
Celebrity moms unite for 'Project: Alalay Kay Nanay' fundraising campaign
Chynna Ortaleza shares family activities during enhanced community quarantine