GMA Kapuso Foundation, nagbigay ng tulong sa Baseco

Nasa 3,200 pamilya sa Baseco Compound sa Maynila na nawalan ng hanapbuhay dahil sa enhanced community quarantine ang nahatiran ng tulong ng GMA Kapuso Foundation.

Kabilang sa mga inihatid ng tulong ang frozen chicken packs at fully loaded Kapuso family grocery packs.

Katuwang ng GMA Kapsuo Foundation ang Joint Task Force-NCR ng Armed Forces of the Philippines at Baseco Police Community Precint ng Manila Police District sa pamamahagi ng relief goods.

Lubos naman ang pasasalamat ng GMA Kapuso Foundation sa Ajinomoto Philippines Corp., Jollibee Group, Fres Mint Candy, Beng-Beng Chocolate, CDO Karne Norte, Symply G Marketing. at Calcheese Wafer para sa kanilang mga donasyon.

Patuloy ang GMA Kapuso Foundation sa paglikom ng pondo para sa medical supplies na ihahandog sa COVID-19 frontliners at sa mga pampublikong ospital sa ilalim ng kampanyang Operation Bayanihan: Labanan Natin ang COVID-19.

Kasama na rin dito ang pagbibigay ng grocery packs para sa mga pamilyang hindi makapaghanap buhay dahil sa enhanced community quarantine.

Maaaring mag-donate sa GMA Kapuso Foundation sa pamamagitan ng pagbisita sa kanilang official website.