Arturito ng 'Money Heist,' may special shoutout sa mga Pinoy!

Isang special video greeting ang ibinigay ng Spanish actor na si Enrique Arce para sa Pinoy fans na tuluy-tuloy ang suporta programang Money Heist.

Si Enrique ang gumaganap na Arturo Roman o Arturito sa top-rating Netflix series na Money Heist.

“To all the friends of La Casa de Papel [Money Heist] in the Philippines! Thank you!” sulat ng aktor sa kanyang Instagram post.

Sa video, sinabi ni Arce, "I really wanna commend you for loving the show so much.

"I know we've become number one over there. It's fascinating to know that the show has traveled so far and so well."

Sa huli, nagbigay pa siya ng mensahe sa Tagalog para sa kanilang Pinoy fans, "Sa aming mabubuting kaibigan sa Philippines, maraming salamat!"

Nag-komento sa post ng aktor ang Kapuso actress na si Lovi Poe, na una nang nakatanggap ng personal video greeting mula kay Enrique.

Ani Lovi, “AAAAHHH WE LOVE YOU! That was good Tagalog!!”

Panoorin ang ulat sa 24 Oras: