Mark Herras, ginawan ng dance steps ang bagong kanta ni Betong Sumaya
Nagpapasalamat si Betong Sumaya dahil sa dance steps na ginawa ni Mark Herras para sa kanyang bagong single na “Nang Minahal Mo ang Mahal Ko.”
Ni-release ni Betong ang kanyang kauna-unahang single noong April 28. Ang “Nang Minahal Mo Ang Mahal Ko” ay isang original composition na handog ng GMA Music.
Ginawan ni Betong ng isang nakakatawang performance video ang kanyang single.
At mas natuwa pa ang komedyante nang makita ang choreography na ginawa ng kanyang kapwa Kapuso star na si Mark.
Aniya, “Wow amazing thanks 'Mr. Bad Boy of the Dance Floor' Mark Herras sa ginawa mong dance step para sa aking debut single "Nang Minahal Mo Ang Mahal Ko" composed by Jerry Olaguer under GMA Music.”
Maliban kay Mark, nagpahayag din ng suporta para kay Betong si Jean Garcia.
Ang “Nang Minahal Mo Ang Mahal Ko” ay maaaring i-stream at i-download sa Spotify, iTunes, YouTube Music, Apple Music, at ibang digital stores worldwide.