Janine Gutierrez, masayang maraming nagtiwala sa kanyang COVID-19 fundraiser
Inulunsad kamakailan ni Kapuso actress Janine Gutierrez ang COVID-19 fundraiser na The Bright Side project kasama ang kanyang mga kapatid.
Lumikom ito ng pondo para sa personal protective equipment o PPEs na ibibigay sa mga medical frontliners. Naglaan din ito ng pondo para sa mga komunidad na naapektuhan ng enhanced community quarantine ang hanap-buhay.
"I think it was the first extension of the lockdown when we decided na we would just start a fundraiser. The proceeds that we would get from the fundraiser, we called it The Bright Side Project, we would half it between a drive for PPEs and a drive for underprivileged communities," kuwento ni Janine sa isang eksklusibong panayam ng GMANetwork.com.
"We decided to support two existing charities na lang--'yung sa Barya Ni Juan, sila 'yung gumagawa ng PPE and then the Tanging Yaman Foundation in Ateneo which was bringing food and providing shelter," dagdag pa niya.
Masaya daw si Janine na marami ang nagtiwala sa kanya at sa kanyang fundraising drive.
"It's really about trust. Kasi when you give these fundraisings or these foundations money, how can you make them feel na 'I can assure you that this money you gave me will go here.' We just felt so grateful na talagang a lot of people trusted us to send their money the right way so as much as possible we kept updating, sending photos," kuwento niya.
Bilang pasasalamat, nagpa-raffle sila ng isang Louis Vuitton wallet na bahagi ng personal na koleksiyon ni Janine pero hindi pa niya nagagamit.
"Inisip ko, how will they choose to donate when I know ang hirap nang magbigay 'di ba? A lot of us have no sweldo. A lot of us nakapag-donate na sa iba. As a thank you, we raffled off one item," aniya.
Alamin pa ang iba pang detalye mula sa The Bright Side Project ni Janine dito:
RELATED CONTENT:
Janine Gutierrez, naniniwalang responsibilidad ng mga celebrity na maging sensitibo ngayong ECQ
Give Me 5: How Janine Gutierrez deals with anxiety while in quarantine