'Eat Bulaga' Dabarkads, nakatanggap ng ayuda mula kay Taki Saito
Nakatanggap ng ayuda ang Eat Bulaga hosts mula sa dating dabarkad na si Taki Saito.
Nanirahan sa Japan si Taki simula nang tahakin niya ang kanyang career bilang bahagi ng all-female Japanese group na Faky.
Malayo man, hindi siya nakalimot sa kanyang mga dating katrabaho. Nagpadala pa siya ng mga sariwang gulay, prutas, at itlog sa mga dabarkads.
Idinaan ni Pauleen Luna ang kanyang pasasalamat kay Taki sa pamamagitan ng kanyang Instagram stories.
pauleenlunasotto (IG)
Ikinatuwa rin ni Ruby Rodriguez nang makatanggap siya ng padala ni Taki. Nananatiling malapit daw ito sa kanilang pamilya lalo na't best friends sila ng kanyang anak na si Toni Aquino.
Ani Ruby, “Im so touched! All the way from Japan.... thank you so much @taki_faky I cried! You are so sweet you did not forget us tho ur in diff showbiz world now. Just know we are here for you and @ninichips is still ur Bff… Love you babe..... oh even if ur 20 if i find out u know what i mean "kurot sa singit" pa din lol.”
Sa salitang Hapon naman nagpaabot ng pasasalamat si Allan K.
Wika niya, “Honto ni domo arigato ne @taki_faky san.”