Lolit Solis, hanga sa world-class talents nina Lea Salonga at Arnel Pineda
Idinaan ni Lolit Solis sa isang Instagram post ang kanyang paghanga para kina Lea Salonga at Arnel Pineda sa ipinakitang world-class talent ngayong panahon ng pandemya.
Sa post, isinaad ni Lolit na halos kasabayan ng dalawang mang-aawit ang ilan sa mga prominenteng pangalan sa larangan ng sining at musika ngayon.
Aniya, “Bongga naman sila Lea Salonga at Arnel Pineda, Salve. Kasama talaga sila ng mga international stars na nagpa-fundraising para sa pandemic na nangyayari ngayon sa mundo.
“Iba talaga ang talents nila Lea at Arnel, world-class talaga kaya kahit itabi mo sa international singers, stand out pa rin sila. Nakakatuwa nga dahil ang sarap makita na shoulder to shoulder sila na kumakanta ng mga sikat na singers.
“Congrats Lea Salonga and Arnel Pineda. Pinahangan n'yo talaga ang mundo.”
Matatandaang nakilahok si Lea sa fundraising show ni American host Rosie O'Donell para tulungan ang ilang miyembro ng theater industry sa Amerika na walang trabaho dahil sa coronavirus pandemic.
Kinanta ni Lea ang hit Disney song na “Mulan” kung siya ang isa sa mga orihinal na kumanta nito para sa 1998 movie.
Samantala, kakalahok lamang ni Arnel sa live streaming event ng UNICEF para sa Won't Stop campaign nito upang magbigay tulong sa medical frontline workers at mga taong nangangailangan.
Ipinamalas ni Arnel ang kanyang singing chops nang awitin nito ang 1980s classic na “Don't Stop Believin” kasama ang iconic band na Journey.
Lolit Solis, maraming ipinagpapasalamat sa pagdiriwang ng 73rd birthday