Bae-by Baste at pamilya, sumunod sa Locally Stranded Individuals protocol para makauwi sa GenSan

Balot na balot mula ulo hanggang paa at naka-face mask si Bae-by Baste at ang kanyang pamilya nang sila ay umuwi sa General Santos City (GenSan) sa Mindanao.

Ito ang unang beses nilang nakabalik sa kanilang probinsya simula nang pairalin ang enhanced community quarantine sa Maynila.

Ibinahagi ng batang dabarkads ang naging karanasan ng kanyang pamilya sa kanilang pagbiyahe pauwing GenSan.

Sumunod daw sila sa strict protocols ng kanilang local government unit para sa mga LSI o Locally Stranded Individuals. Simula kasi noong Marso ay nanatili sa Maynila ang kanyang pamilya bilang pag-iingat laban sa COVID-19.

Ayon din sa kanyang Instagram post, nagpapasalamat siya sa Diyos at pati na sa Eat Bulaga executive na si Jenny Ferre para matuloy ang kanilang pagbabalik-probinsya.

Noong June 8 ay muling napanood si Bae-by Baste sa Eat Bulaga. Ngunit gaya ng ibang dabarkads ay nag-livestream lamang siya mula sa kanyang tahanan.

#NewNormal: Ang unang araw ng balik-studio ng Eat Bulaga dabarkads