'The Half Sisters,' longest running teleserye ng GMA Network sa huling sampung taon

Sa loob ng dalawang taon, 418 ang naitalang episodes ng hit GMA Afternoon Prime series na The Half Sisters.

Umere mula 2014 hanggang 2016, tampok dito ang Kapuso actresses na sina Barbie Forteza at Thea Tolentino bilang kambal na magkaiba ng ama.

Dahil ito sa heteropaternal superfecundation, kung saan magkaibang sperm cell ang nag-fertilize sa magkaibang egg cell pero sabay na nag-develop sa sinapupunan ang mga ito.

Bukod sa The Half Sisters, kabilang din ang Ika-6 Na Utos at Amaya sa pinakamahahabang teleserye ng GMA Network simula noong 2010.

Alamin ang iba pang mga longest running teleserye ng GMA Network sa eksklusibong video na ito:

Samantala, maaaring panoorin nang libre at buo ang episodes mula sa mga palabas na ito. I-download lang ang GMA Network App o bumista sa GMANetwork.com/FullEpisodes.