Aiai Delas Alas, malaki ang pasasalamat sa GMA

Pumirma na ng management contract ang Comedy Concert Queen na si Aiai Delas Alas sa GMA Artist Center ngayong Biyernes, June 19.

IN PHOTOS: Aiai Delas Alas signs management contract GMA Artist Center

Ayon sa kaniyang Instagram post, malaki raw ang pasasalmat ni Aiai sa GMA Network dahil dito nagsimula ang kaniyang matagumpay na 30-year-career.

Aniya, "Maraming salamat Artist Center at sa Kapuso Station, 100% Kapuso na ako talaga. (Taong) 1990 nang una ako binigyan ng GMA nang pagkakataong makilala noong nagsisimula pa lang ako sa mundo ng telebisyon.

"Ngayon, ika-30 anibersaryo ko na at masaya akong sasama sa mga kapwa ko Kapuso at kabahay sa GMA Artist Center, salamat sa tiwala at ngayon ako ay uuwi nang buong-buo sa tahanang aking nakagisnan at pinagmulan."

Nagsimula si Aiai bilang host sa late-night musical variety show na "RSVP" sa GMA. Napabilang rin siya sa mga programang "Lunch Date" at "Salo-Salo Together" kung saan mas lalo pang nakilala ang komedyana sa galing niya sa pagpapatawa.

IN PHOTOS: Aiai Delas Alas's career as a Kapuso through the years

Nagbalik bilang Kapuso si Aiai noong taong 2015 kung saan agad siyang napanood sa Let The Love Begin at Sunday PinaSaya.

Welcome to your GMA Artist Center family, Aiai!