Wish Ko Lang, magbabalik-telebisyon na ngayong July!
Mayroon bang hiling ang puso mo na nais mong matupad? Puwes, manalig ka lang, Kapuso, dahil walang imposible kahit sa panahon ng pandemya, lalo na dahil magbabalik ang programang hatid ay inspirasyon at pag-asa, ang Wish Ko Lang.
Magbabalik na ang Wish Ko Lang ngayong July!
Sa loob ng halos dalawang dekada, ang Kapuso program na Wish Ko Lang ay walang sawang tumulong at naghatid ng magandang pagbabago sa buhay ng mga Pilipino.
At talaga namang napapanahon ang pagbabalik-telebisyon nito dahil maraming Pinoy ang dumaranas ng hirap ngayong may pandemya, lalo na ang mga tinamaan ng COVID-19, ang mga nagsasakripisyong frontliners, at ang mga nawalan ng kabuhayan dahil sa community quarantine.
Kaya abangan ang pagbabalik telebisyon ng Wish Ko Lang ngayong Hulyo sa GMA-7.
Magbabalik ang isang Kapuso program para tuparin ang iyong hiling!