Alice Dixson, nagsalita na tungkol sa urban legend ng taong ahas

Ibinahagi na ni Alice Dixson ang kanyang kuwento tungkol sa urban legend na naging usap usapan 30 years ago.

Ayon sa kuwento, si Alice ay natipuhan ng isang taong ahas na naninirahan sa basement ng isang mall. Dahil dito, nahulog umano ang aktres sa isang trap door at natuklasan niya ang katauhan ng taong ahas. Base pa sa urban legend, nakatakas si Alice sa isang corridor na papuntang hotel. Nang makatakas, lumipad ito sa ibang bansa para hindi na magsalita sa issue.

Paglilinaw ni Alice sa kanyang video na may titulong "Finally... the TRUTH told #TaongAhas," ilang beses pa lamang siya nakakapunta sa nasabing mall noong panahon na 'yun.

"Sa totoo lang, nabibilang 'yung ilang beses ako nakarating sa mall nung time na 'yun. Somebody close to me and even a couple of fans said or reminded me that the incident took place when I was there on a movie shoot."

The beginning

Sa shoot umanong ito ay kinausap siya para magpalit ng damit.

"I remember it actually being night. and production told me I need to change my outfit. They directed me to the bathroom sa labas ng department store on the 4th floor para magpalit ng damit. Natatandaan ko pa nga na may mga nag oosyoso sa labas."

"For some reason, while I was inside the bathroom, I said, 'tuklaw, tuklaw!' I don't really know kung bakit ko 'yun ginawa. Siguro kasi I was just being funny. I was trying to get a laugh sa mga kasamahan ko. I was just being young and silly."

Dagdag pa niya na uso ang pelikulang Tuklaw noon. Saad ni Alice, " 'Yung kasamahan ko sa pelikulang Dyesebel na si Richard Gomez, he had a movie that came out called Tuklaw. At uso 'yan noon."

Pagkatapos umano ng shoot ay kumalat an ang istorya tungkol sa taong ahas.

"A few days later, lumabas 'yung balita or gossip na kinagat ako ng or kinain ako ng malaking sawa sa loob ng mall. Lumabas pa ito sa headline ng tabloid and news."

Nakatanggap pa umano ng tawag si Alice mula sa Robinsons.

"One morning my secretary told me na tumawag ang Robinsons representative, gusto akong kausapin. I believe, siguro they wanted to ask me if I had made these comments and accusations. But I dismissed it. I dismissed it and went on with my business. However, the news did not die down."

Mayroon pa ring umanong usap-usapan tungkol dito.

"In fact even months after, 'pag nakakausap ko 'yung mga Chinese-Filipino friends ko, they were saying na totoo nga merong offspring na snake na half-snake ang Gokongwei. Of course this was usap usapan lang, righ

A theory

Inilahad ni Alice ang kanyang paniniwala sa pagkalat ng balita.

"Meron kasing mass communication curriculum ang isang school that it had a particular project to disseminate information, to see how far, how convoluted and how long information could spread. I believe they used this story. I know cause mass communication graduate rin ako and we studied these kinds of case studies."

Isa pang pinaniniwalaan ni Alice na sanhi ng pagkalat nito ay ang kanyang pananahimik. Para kay Alice nanahimik siya dahil hindi niya gustong patulan ang issue na ito.

"My other theory is that my silence created a snowball. Ibig sabihin perhaps my silence was a contributing factor sa paglaki ng rumor na ito. But in my defense, 'pag merong hindi totoong rumor, if there's something false that's circulating naniniwala ako na hindi ko kailangang patulan."

Dagdag pa niya nawala na ito sa isip niya hanggang sa naalala niyang may usapan sila ng kanyang kaibigan na magsasalita siya tungkol dito.

"In fact, nakalimutan ko all about it until recently. One of my close family friends, meron kaming usapan that after a certain point, or pagdating ng certain time that I would actually reveal my story. Hindi naman revelation pero to tell my story."

The truth

Paglilinaw ni Alice, walang katotohanan sa kumalat na kuwento.

"Nothing really happened in the way the urban legend or the myth dictates... hindi naman ako nahulog sa trap door, hindi naman ako tumakbo sa corridor palabas papuntang hotel, hindi rin naman ako nabayaran ng 850 million at hindi rin nangyari 'yung na-cut 'yung pagsasalita ko sa isang TV show when I was trying to explain myself."

Saad pa niya ay wala ring ibang witness para magpatotoo ng kuwentong ito.

"Kung totoo nga bakit walang nag-step forward? Like there's no security guard, there's no maid, there's no close friend, there's nobody who actually witnessed this aside from this urban legend. There's nobody to corroborate this myth."

Saad pa niya ay kumalat ang balita na namatay na umano ang taong ahas. Ikinonekta pa umano ito ng mga tao sa digital campaign ni Alice sa nasabing mall.

"It was rumored a few years ago na namatay ang taong ahas sa mall. Lumabas pa nga ito sa YouTube at balita. Pero hindi natin ma-disprove 'yan or prove. However, kinontak ako ng Robinsons Galleria shortly after to participate in their digital ad campaign. Now is this a coincidence, well, kayo na lang po bahala ang mag-decide kung ano ang paniniwalaan ninyo."

Sa huli, sinabi ni Alice na nabigay niya na ang kabuuang istorya niya at 'yun na ang una at huling beses niyang ibabahagi ito.

Sinabi ko na 'yung truth ko, I told you what happened. Hopefully this is the first and last time Im gonna need to explain myself or say anything about it.

Alice Dixson tries meditation for 30 days

Alice Dixson reveals dream of building a house in Quezon Province