Lolit Solis on Bianca Umali: 'Inggit lang sila sa beauty mo'

Binatikos ni entertainment columnist Lolit Solis ang mga basher ni Kapuso actress Bianca Umali matapos magpost siya ng isang selfie na sa tingin ng karamihan ay sobrang payat nito.

Pero saad ni Lolit, “Ewan ko ba bakit parang hindi mo na alam kung ano dapat ang body weight mo, dapat ba mataba ka o payat ka?

“Ang sexy naman ni Bianca doon sa photos niya na naka-bikini siya, baka naman talagang gusto niya lang mas payat pa siya.”

Bitiw pa ng former talk show host, “Hindi ko alam kung bakit violent ang reaction ng mga nakakita ng post niya. So what kung sobra payat basta healthy siya, 'di ba?”

Saad ni Lolit na mas higit na nakakaalam si Bianca sa kanyang katawan kaysa sa netizens.

Kaya payo niya sa lahat, “Pabayaan natin siya 'no!

“At Bianca, hayaan mo lang ang mga negative comment. Huwag mong pansinin. Beauty ka pa rin kahit payat o mataba. Kaya go lang kung alin ang mas gusto mong timbang.

“Inggit lang sila sa beauty mo.”

Naging usap-usapan ang katawan ni Bianca Umali kamakailan sa internet pagkatapos magpost siya ng kanyang tila fresh out of the shower look.

Kapansin-pansin sa larawan, ayon sa mga netizen, ang pagpayat ni Bianca kaya naging negatibo ang komento nito sa Kapuso actress.

Maliban kay Lolit, marami-rami din ang dumepensa sa 20-year-old actress at kabilang na diyan si Ruru Madrid na nagsaad ng kanyang saloobin sa comments section nito.

Wika ng aktor, “I don't know what's wrong with people right now?

“Parang ang dami laging opinyon ng mga tao. Sa totoo lang mas masakit na kung sino pa 'yung mga kababayan o 'di kaya mga kalahi natin, sila pa 'yung nag da-down sa atin.

“Sana wala ng ganun, sana sinusuportahan nalang natin ang isa't isa.”