Vico Sotto, biktima ulit ng fake social media account

Muling nagbigay ng paalala si Pasig City Mayor Vico Sotto laban sa fake social media accounts at online scams matapos makitang may gumagamit ng kanyang pangalan at litrato sa Facebook (FB).

Nitong Marso, nagbabala na si Vico tungkol sa isang fake account sa social media.

Bigay-diin niya, ang kanyang totoong account ay verified.

Sa pamamagitan ng kanyang Instagram story, ibinahagi ng alkalde na muli siyang nabiktima ng pekeng social media account.

Dahil dito, nagbigay siya ng karagdagang paalala sa publiko.

Ani Vico, “Mag-ingat sa fake account at scam. Kung di sigurado, ituring na peke. Report to FB. Kung may nakikita kayong kaibigan na nagfo-follow sa mga ganitong account, pakisabihan po sila.

“'Wag niyong hayaan na sila naman ang mahingan ng load!”

Maliban kay Vico, ilang celebrities na rin ang umalma at nagbigay-babala matapos mabiktima ng pekeng accounts sa social media. Kabilang sa kanila sina Marian Rivera, Andrea Torres at Paolo Ballesteros