Drama-romance anthology 'Wagas,' muling mapapanood sa GMA simula September 27

Muling mapapanood ang ilan sa mga tumatak na istoryang itinampok ng drama-romance anthology na 'Wagas' simula September 27 sa GMA.

Maraming love story ng mga kilalang personalidad ang mababalikan tulad ng pag-iibigan nina Sen. Miriam Defensor-Santiago at Atty. Jun Santiago, GMA news anchor Mike at Baby Enriquez, at Chef Boy at Ernelinda Logro.

Ginampanan ni Heart Evangelista si Sen. Miriam, na tumayo bilang ikalawang ina ni Heart sa totoong buhay noong nabubuhay pa ito.

Bukod sa kanila, mapapanood rin ang pag-iibigan ng mga bayaning sina Gabriela at Diego Silang na ginampanan nina Glaiza de Castro at Marc Abaya.

Noong 2015, binigyang buhay nina Glaiza de Castro at Marc Abaya ang mga bayaning sina Gabriela at Diego Silang sa two-part episode ng 'Wagas.'

Tumutok lang sa GMA simula September 27, pagkatapos ng All-Out Sundays upang muling mapanood ang 'Wagas.'