Around GMA

Wilma continues to move slowly, 24 areas under Signal No. 1
#WilmaPH continues to move slowly east of Borongan City
GMA Pinoy TV Supports OFW Empowerment at the 17th PHILSME Business Expo

Article Inside Page

Showbiz News

Kahit mukhang natural lang ang kanyang pag-arte sa 'Gameboys,' aminado si Elijah Canlas na ito ang pinakamahirap na karakter na ginampanan niya. Bakit kaya?

Aminado ang award-winning actor na si Elijah Canlas na nahirapan siyang gampanan ang karakter ni Cairo sa online boys love (BL) series na Gameboys.

Ayon kay Elijah, na nanalong Best Actor sa 17th Asian Film Festival para sa pelikulang Kalel, 15, sobrang magkaiba sila ng ugali ni Cairo.

Kakaibang Elijah Canlas ang napanood sa pelikula ni Jun Lana na 'Kalel, 15,' kung saan siya nanalo ng Best Actor award. / Source: junrobleslana (IG)

“For me, si Cairo, 'yung ginampanan ko sa Gameboys, he's the hardest character I ever had to portray, like really,” pag-amin ni Elijah sa GMANetwork.com.

“Kasi, sobrang dami niyang layers, sobrang complex, 'yung complexity nung katauhan niya, ang hirap ma-grasps tapos to be honest, ang hirap kasi nasa bahay lang 'yung shoot.

“Kasi sa normal shoot, 'di ba, makakapagpagpag ka pa, e. Na kapag natapos 'yung shoot, uuwi ka tapos, 'Okay, ibang tao na ako.'

“Dito, isang bahay lang si Cairo at si Elijah, e. Kaya ang hirap magpagpag.

"Pero with the help of Kokoy and siyempre our director [Ivan Andrew Payawal,] and to be honest, the script in itself, buo na 'yung character, ako lang nahirapan."

Biniro naman ni Kokoy de Santos si Elijah na umuwi na lang sa bahay nila upang hindi ito mahirapan magpagpag.

Love interest kasi ng karakter ni Elijah na si Cairo ang karakter ni Kokoy na si Gavreel.

Aniya, “Alam mo, madali lang makakapagpagpag kung sa amin ka titira kasi nahihirapan ka, nandyan ka, e.”

Paliwanag ni Elijah, magkaibang-magkaiba kasi ang ugali niya sa ugali ni Cairo.

Pagpapatuloy niya, “To be honest, sobrang magkaiba kami.”

“Well, 'yun nga 'yung challenge as an actor, mas masaya kung sobrang iba ng character na pinoportray mo sa sarili mo.

“Pero si Cairo kasi mas mataray, mas masungit.

“As much as he's hiding a lot of things and he's carrying a lot of things, he's not afraid to speak on what it is. Kung ano 'yung issue niya, sasabihin niya 'yun.

“Hindi ako ganun. Mas reserved lang ako, may pagkatahimik naman ako compared to Cairo.

“Similarities, pareho kaming may-walls naman, pareho din kaming mahilig sa sweets at sa junk foods, mga ganun.

“Pero medyo magkalayo talaga, and the way he speaks, the way he moves, sobrang layo.”

Aminado naman sina Kokoy at Elijah na sobrang nahirapan silang gawin ang episode 12 ng Gameboys, kung saan kailangang magdesisyon nina Gavreel at Cairo kung ipagpapatuloy pa nila ang kanilang relasyon.

Kailangan kasing umuwi ng probinsya ni Cairo kasama ang kanyang pamilya kaya maiiwan sa Manila si Gavreel.

Nakadagdag rin sa problema ang pagseselos ni Cairo sa ex-boyfriend ni Gavreel na si Terrence (Kyle Velino) samantalang nagseselos rin si Gavreel sa best friend ni Cairo na nakatira sa probinsya na si Wesley (Miggy Jimenez).

Kuwento ni Elijah, "Ito 'yung pinaka na-enjoy kong eksena pero technically, ito 'yung pinakamahirap. 'Yung fight scene sa episode 12, 'yung confrontation."

"Ilang araw 'yun tapos ilang takes 'yun at mabigat siya, kaya sobrang hirap."

Sumang-ayon naman si Kokoy na nahirapan silang gawin 'yung episode 12 dahil pati ang galaw ng camera ay iniisip nila.

Nasa kani-kanilang mga bahay lang kasi sina Kokoy at Elijah habang kinukunan ang eksena dahil sa community quarantine restrictions.

Kuwento ni Kokoy, "Para sa akin, episode 12 din kasi ang dami mong iniisip nun, e."

"Siyempre, nandun 'yung umaarte ka 'di ba? Binibigay mo [yung best mo sa pag-arte] tapos nako-conscious ka 'pag gumagalaw na 'yung camera.

"May movement 'yun di ba? So iisip mo kung mawawala ba 'yung focus kasi nagkaka-intindihan kayo nung nag-o-operate ng camera mo, e, like ikaw utol mo, ako utol ko rin.

"So sila mismo, kapag halimbawa napansin nila [na nawala sa focus], siyempre, ayaw nilang i-cut kasi siyempre nandoon 'yung emotion, e.

"So malalaman mo na lang kung nagkaroon ng sabit, kapag tapos na 'yung take.

"Biglang ibubulo sa'yo na medyo pumalya tayo rito, medyo nawala 'yung ilaw sa ganyan.

"Ugh, sayang 'yung eksena."

Paanoorin ang tinutukoy na eksena nina Kokoy at Elijah sa episode 12 ng Gameboys.

Kokoy de Santos at Elijah Canlas, tinanggap ang 'Gameboys' dahil sa isa't isa

Adrianna So, inamin na on- and off-cam ang closeness nina Kokoy de Santos at Elijah Canlas