Ruru Madrid, tuloy pa rin ang paghahanda para sa upcoming Kapuso show na 'Lolong'

Nakasama ng Kapuso leading man na si Ruru Madrid ang ilang miyembro ng Kapuso Brigade para sa isang Kapuso Brigade ZOOMustahan.

Dito ikinuwento ni Ruru ang kaniyang ginagawa upang mapaghandaan ang kaniyang role para sa upcoming GMA Public Affairs show na Lolong.

Aniya, "Pinagpepe-prepare nila ako for Lolong, kailangan 'yung katawan ko sobrang ready dito sa project na 'to kasi medyo madugo siya."

Ayon sa Kapuso actor, hango raw ang kuwento ng Lolong sa kapangalan nitong buwaya, na isa sa mga pinakamalaking saltwater crocodiles sa buong mundo.

Kakaiba rin daw ang project na ito para kay Ruru sapagkat marami siyang gagawin dito na hindi pa niya nagagawa sa kaniyang career.

"This is a political series din, iko-connect din namin 'to sa politics. So maraming mangyayari sa seryeng ito and I am very excited na mai-share ito sa inyo dahil napakagandang teleserye.

"Hindi ito 'yung usual na napapanood natin. I mean, laging sinasabi 'yon ng bawat artista at bawat direktor pero 'di siya 'yung nakasanayan kong gawin.

"Bago 'to, action, may drama, may nakakatakot, may comedy, so lahat mapapanood niyo dito sa teleserye," kuwento niya.

Magsisimula na rin daw ang kanilang lock-in taping para sa Lolong ngayong November.

Kung gusto n'yo rin makabonding ang inyong favorite Kapuso stars online, sumali na sa Kapuso Brigade! Just message them sa Facebook, Twitter, or Instagram: @kapusobrigade.