Teacher-student love story nina Alden Richards at Jennylyn Mercado sa 'Wagas,' mapapanood ngayong October 18

Noong 2013, tinampok sa drama romance anthology na 'Wagas' ang pag-iibigan ng gurong si Lolet Carangga at ang estudyante niyang si Arnel Secerio na binigyang buhay nina Asia's Multimedia Star Alden Richards at Ultimate Star Jennylyn Mercado.

Sina Alden Richards at Jennylyn Mercado sa 'Wagas.'

Higit pa ang panghanga ng third year transferee student na si Arnel sa kanyang history teacher na si Lolet. Sa katunayan, nililigawan niya ito kahit na 12 taon ang agwat ng kanilang edad.

Sa hindi inaasahang pagkakataon, mahuhulog rin ang loob ni Lolet kay Arnel pero may isang lang siyang hiling sa kanyang estudyante - hintayin ang tamang panahon.

Makakapaghintay kaya si Arnel para sa kanyang teacher na si Lolet?

Balikan ang unang pagtatambal ng dalawa sa pinakamagagaling na artista ng GMA Network na sina Alden Richards at Jennylyn Mercado sa 'Wagas,' ngayong October 18, pagkatapos ng All-Out Sundays.