Rocco Nacino at Melissa Gohing, may balak nang magpakasal?

Mas lalong tumibay at gumanda ang samahan nina Kapuso star Rocco Nacino at professional volleyball player Melissa Gohing dahil sa bago nilang hobby, ang paghahalaman.

Dahil sa community quarantine, nagkaroon ng oras sina Rocco at Melissa na mag-alaga ng mga halaman.

Source: nacinorocco (IG)

Kamakailan nga ay pumunta pa sila sa Plant Bazaar and Exhibit sa Barangay Alabang sa Muntilupa City para mag-ikot-ikot at bumili ng bagong plant babies.

“Parehas kami nag-enjoy lalo na si Melissa. 'Yan ang certified plantita talaga. Pero natuwa ako kasi habang umiikot, lahat ng tao ine-explain nila 'yung scientific names ng plants,” ani Rocco.

Natuwa naman mamili si Melissa dahil mura lamang at maraming iba't ibang uri ng halaman ang naroon.

“Marami ring mga rare plant, then very reasonable 'yung price kaya super worth it na pumunta,” aniya.

Bukod sa paghahalaman ay abala rin si Melissa sa pagte-traning para sa pagbubukas ng liga ng volleyball sa bansa.

“Every day we still train so it's like normal pa rin for us and 'yung management namin, 'yung coaches namin, they make sure that we're okay,” aniya.

Samantala, dahil ngayong nakalipat na si Rocco sa bago niyang bahay at maganda ang takbo ng kanilang relasyon ni Melissa, may plano na kaya siyang mag-propose rito?

“Mag-ipon ulit. Tapos we'll see how it goes. Pero ang maganda ngayon may bago kaming bonding, pag-aalaga ng plants. Malaki 'yung maitutulong n'yan sa relationship namin,” sabi ni Rocco.