Benjamin Alves, may patikim sa kanyang hot at romantic character sa 'Owe My Love'

Humakot ng sari-saring reaksyon si Benjamin Alves nang kanyang ipasilip ang ginagawang paghahanda para sa kanyang character sa Owe My Love. (OML).

Gaganap si Benjamin bilang si Doc Migs Alcancia sa Kapuso series na Owe My Love. Kahit naantala man ang taping para sa Kapuso series, pansin ang pagiging fit ng Kapuso hunk na akma para sa kanyang TV role.

Isang patikim ang ibinahagi ni Benjamin tungkol sa kanyang character.

Aniya, “Getting ready for all the scenes in OML.”

Umani ng iba't ibang reaksyon ang kanyang Instagram post, at pati ang kanyang tito at kapwa artistang si Piolo Pascual ay nag-iwan ng komento.

Sambit nito, “Ayan… ayan tayo eh.”

At tugon naman ni Benjamin, “Idol po kita ser.”

Maliban sa fit na pangangatawan ni Benjamin, lalo pang kinilig ang netizens sa kanya dahil sa kanyang sinimulang online flower shop ngayong quarantine. Kitang-kita rin kasi ang pagiging sweet at romantic ng aktor dahil sa kanyang piniling negosyo.

Ang kanyang hot at romantic personality rin kaya ang magpapa-ibig kay Sensen na gagampanan naman ni Lovi Poe?

Tutok lang sa GMANetwork.com para sa maiinit na updates tungkol sa Owe My Love!