Kristoffer Martin, Prince Clemente, Dionne Monsanto, at John Vic De Guzman, tampok sa Halloween Special ng 'Wish Ko Lang'

Tampok sina Kapuso actors Kristoffer Martin, Prince Clemente, Dionne Monsanto, at John Vic De Guzman sa Halloween episode ng Wish Ko Lang ngayong Sabado, October 31.

Dito unang gumanap si John Vic bilang isang kapre. Bagamat physically challenging ang role ay na-enjoy naman daw niya ang show.

“Ang pinaka-hassle lang medyo makati lang pero tolerable naman siya. Hindi ka pwedeng humiga kasi kapag humiga ako 'yung make up sa may likod ko medyo natatanggal.

“'Yung ibang parts, parang naa-absorb siya ng skin ko, so, nagfe-fade. Kailangan patungan ulit siya ng makeup,” anang aktor nang makapanayam ng 24 Oras.

Source: johnvicdeguzman (IG)

Samantala, habang hindi pa umuuwi ng Olongapo para bisitahin ang COVID-free na niyang pamilya ay abala muna sa showbiz commitments si Kristoffer.

Ngayong weekend niya umano unang makikita ang mga ito mula nang tamaan at gumaling sa sakit.

“Ngayon na lang ulit ko sila makikita after siguro ng more than a month kasi simula nu'ng nag-positive sila, nagpapatagal pa. Kung hihintayin ko hanggang Sabado, mag-i-isang buwan,” aniya.

Source: kristoffermartin_ (IG)

Hataw naman sa kanyang career si Prince na sunud-sunod ang acting projects.

“Ngayon back on air na 'yung Descendants [of the Sun] tapos may bago naman akong show na The Lost Recipe naman for next year 'yan, January. So, sobrang overwhelmed na kahit nagkaroon ng pandemic, tuluy-tuloy pa rin 'yung work,” sabi niya.

Source: princeclemente18 (IG)

Pansamantala namang iiwanan muna ni Dionne ang showbiz dahil tutungo siya sa Switzerland para mag-settle down.

“May fiancé is actually there. My fiancé is half Filipino - half Swiss kasi and we decided it's better for us to settle there,” anang aktres.

Source: dionne (IG)

Kapag 'di naglo-load nang maayos ang video sa itaas, maaari itong mapanood DITO.