Alice Dixson, excited sa role bilang isang Muslim sa 'Legal Wives'

Excited na si Kapuso actress Alice Dixson na gampanan ang kaniyang role bilang isang Muslim sa upcoming Kapuso series na Legal Wives.

Ayon sa ulat ni Lhar Santiago sa 24 Oras, maraming natutunan si Alice sa pinakauna niyang Muslim role.

"Now that dumating itong pagkakataon na I can learn more about their culture, it's quite fascinating actually.

"Ang ganda ng pagkasulat. Kumbaga it doesn't matter what religion you are. It all boils down to your family, the values that you have. Yung bang the love that you share," kuwento ni Alice.

Gaganap si Alice bilang ang karakter na si Almirah Macadato. Kabilang sa cast ng Legal Wives sina Dennis Trillo, Andrea Torres, Bianca Umali at Cherie Gil, na makakatrabaho ni Alice sa unang pagkakataon.

Bukod sa paghahanda para sa Legal Wives, aktibo rin si Alice sa kaniyang YouTube channel kung saan tampok ang ilan sa kaniyang fans at celebrity friends pati na rin ang kaniyang mga paboritong recipes.

Alice Dixson gives netizens a glimpse of their Boracay home