Ang idol ni Angeli Nicole

Child actress Angeli Nicole Sanoy reveals kung sino sa mga Kapuso stars ang kanyang tinitingala and why. Text by Karen de Castro. Photo by Mitch S. Mauricio. Una siyang nakilala bilang si Jik-Jik sa Grazilda, at ngayon ay siya na nga ang bida sa high-rating primetime show ng GMA na Magic Palayok, si Cookie. Unti-unti na ngang nakikilala si Angeli Nicole Sanoy bilang isa sa mga rising child actresses sa showbiz ngayon. Ano kaya ang kanyang nararamdaman sa tuwing tinatawag siya ng mga tao by her character’s name? “Okay lang po sa akin kahit ano. Kasi po kapag tinatawag nila akong ganun, naiisip ko na naaalala pa nila kung anong show yung meron ako noon,” says Nicole. Aside from Grazilda ay nakabilang din si Nicole sa cast ng The Last Prince, at maging sa Darna all the way back. Ano ang kanyang nararamdaman sa tuwing napapanood niya ang kanyang sarili sa TV? “Kinakabahan po tsaka excited akong makita yung sarili ko sa tv,” pag-amin niya. “Hindi naman po [laging napapanood]. Pero ngayon po kasi, ang galing ng mga effects.” Ngunit sino nga ba ang idol at inspirasyon ni Nicole sa pag-arte? “Si Ate Marian [Rivera] po,” paglalahad niya. Bakit naman si Marian ang kanyang napiling maging inspirasyon niya sa pag-arte? “Kasi po magaling siya, tapos maganda,” sagot ng batang aktres. Samantala, aside from having her inspiration ay naturally very dedicated naman si Nicole sa kanyang pagganap bilang si Cookie dito sa Magic Palayok, kaya naman todo bigay siya sa bawat eksena niya. “Sabi ko nga po kanila Ate Chynna [Ortaleza], kahit totohanin niyo na lang para totoo talaga,” kuwento niya. Nakakaramdam pa rin ba siya ng kaba sa tuwing magte-take siya kasama ng kanyang mga castmates? “Opo kinakabahan po kaya mas lalo ko pa pong gagalingan,” she says. “Eh kasi po sila yung matataas na kaya kinakabahan ako.” Abangan si Nicole at ang cast ng Magic Palayok weeknights bago mag-24 Oras. Pag-usapan si Angeli Nicole at ang Magic Palayok sa mas pinagandang iGMA.tv Forum! Not yet a member? Register here!