Around GMA

Article Inside Page

May bagong serye si Asia's Pop Diva Julie Anne San Jose sa pagbubukas ng bagong taon at makakatambal niya rito ang Kapuso actor na si David Licauco.

Tampok sina Julie Anne at David sa bagong GMA News TV drama na Heartful Café kasama ang ibang Kapuso stars na sina Zonia Mejia, Jamir Zabarte, Andre Paras, at marami pang iba.

myjaps IG

davidlicauco IG

Sa serye, gaganap si Julie bilang si Heart Fulgencio, isang online romance novelist at coffee enthusiast na nagmamay-ari ng The Heartful Café, isang cozy coffee shop.

Nang makapanayam ni Aubrey Carampel sa 24 Oras, ibinahagi ni Julie Anne na hindi lang siya excited na simulan ang project, looking forward na rin daw siyang makatrabaho si David.

Ito kasi ang unang beses na magtatambal ang dalawa.

“It's a good way to start the year kasi siyempre kapag Bagong Taon, bagong opportunities, bagong blessings. So, I'm very very excited,” aniya.

Dagdag pa ng actress-singer, “I'm looking forward din sa mangyayari sa tapings namin and of course I'm also looking forward to working with new people. It's a very light show. Sobrang ganda ng story and sobrang exciting lang.

“Dito rin namin malalaman kung ano 'yung capability ng team-up namin ni David. I'm also looking forward kung ano ba 'yung kayang mai-offer ng team up.”

Excited na rin daw si David na makatrabaho si Julie na isa sa mga hinahangaan niya sa entertainment industry.

“Julie is an award-winning artist. Siyempre marami akong matututunan from her. I'm just gonna absorb everything. Ako, medyo bago pa talaga ako sa industry,” aniya.

Kahit na may pandemya ay nagtuluy-tuloy ang trabaho ni Julie. Nakapag-release pa siya ng ilang awitin, at katatapos lang ng hosting stint niya sa The Clash .

At tulad ng nakagawian, kasama rin si Julie sa GMA New Year's countdown.

Balikan ang naging takbo ng career ni Julie Anne San Jose ngayong 2020 sa gallery na ito:

Samantala, sasalubungin daw ng pamilya ni Julie Anne ang Pasko nang sama-sama. Simple na lang muna ang selebrasyon biglang pagsunod na rin sa COVID-19 safety protocols.

“It's all about giving and sharing your blessings to other people, especially those who are in need. Aside from that, 'yung celebrating the birthday of our Lord Jesus Christ.

“It's just gonna be simple. Simpleng handaan lang. Importante talaga magkakasama kayo,” aniya.