Around GMA

Article Inside Page

Nakamit ni Kapuso actor Juancho Trivino ang isa na namang mahalagang milestone sa kanyang buhay.

Sa wakas kasi, naka-graduate na mula sa kolehiyo ang aktor.

Natapos na ni Juancho ang kanyang kursong Bachelor of Science in Entrepreneurship mula sa De La Salle University.

Virtual ang naging graduation ceremony dahil sa pandemic.

Taong 2009 nang magsimula sa kolehiyo si Juancho.

Pero aminado siyang napabayaan niya ang pag-aaral nang pumasok na showbiz.

Dahil dito, nagdesisyon siyang ipagpatuloy ang kanyang pag-aaral at nag-enrol sa DLSU noong 2018.

Naging mahirap daw para kay Juancho na pagsabayin ang pagtatrabaho at pag-aaral pero pilit daw niyang pinagpursigihan ito.

"The final stretch before I graduate from college!! Nag simula ako mag aral 2009, but when I started in the industry, I got caught up with work and never really prioritized finishing my degree. Last year, I decided to continue what my parents worked hard for: my education.

"Since then I have been juggling work and school to the point na nag papahatid ako sa service ng Unang Hirit mismo sa La Salle, mag papa excuse ako sa work because I have exams, or minsan kahit walang tulog derecho ako ng class. No special treatments also, bagsak kung bagsak.

"Mahirap siya friends, and kahit na it's cool to look good and take care of outer stuff, I've realized that education is still one of the best things we can prioritize and pursue. #Schooliscool #ThisIsForYouMama," sulat niya noon sa kanyang Instagram account.

View this post on Instagram

A post shared by Juancho Triviño (@juanchotrivino)

Ngayong araw, January 16 ginanap ang virtual graduation ceremony ni Juancho.

Samantala, silipin ang ilang graduation pictures ng mga sikat sa gallery na ito: