Tila si Kapuso actress Thea Tolentino ang susunod na primera kontrabida ng kanyang henerasyon.
Sixteen years old si Thea Tolentino nang sumali siya sa GMA artista search na 'Protege.'
Nagsimula ang kanyang showbiz career matapos manaig bilang grand winner dito.
Ang youth-oriented series na 'Teen Gen' ang unang proyektong ibinigay kay Thea.
Kabilang din si Thea sa 2013 remake ng hit drama series na 'Anna KareNina' bilang si Angel, isa sa mga nagpapanggap bilang tunay na heredera ng mga Monteclaro.
Dito siya unang nakitaan ng potensiyal sa pagiging kontrabida.
Nabigyan din siya ng lead role sa light telefantasya na 'Pyra: Ang Babaeng Apoy' dahil sa husay ng kanyang performance sa 'Anna KareNina.'
Reunited siya sa kanyang 'Anna KareNina' co-star na si Barbie Forteza sa GMA Afternoon Prime series na 'The Half Sisters.'
Ang pagganap niya dito bilang Ashley ang kanyang most famous kontrabida role to date.
Balik primetime naman si Thea sa GMA Telebabad series na 'Once Again ' bilang si Celeste.
Nakabingwit na naman siya ng panibagong kontrabida role sa 'Hahamakin Ang Lahat' bilang ang Filipino-Chinese na si Phoebe Ke.
Sa serye, reunited na naman siya sa isa pang 'Anna KareNina' co-star niyang si Joyce Ching.
Gumanap din siya bilang ang ambisyosang si Trish sa 'Destined To Be Yours' kasama nina Alden Richards at Maine Mendoza.
Malapit na namang mapanood si Thea sa isa pang kontrabida role sa upcoming GMA Afternoon Prime series na 'Haplos.'
Gaganap siya dito bilang Lucille, kasama ang kanyang 'The Half Sisters' co-star na si Sanya Lopez.
Tutukan ang pag- usbong ni Thea bilang primera kontrabida ng kanyang henerasyon!