Alden Richards, aminadong fan ng mga pelikula ni Bea Alonzo

Dream come true para kay Asia's Multimedia Star Alden Richards na makatrabaho ang idolo niyang si Bea Alonzo, na tinaguriang New Generation's Movie Queen.

Ngayong taon magsisimula sina Alden at Bea sa shooting ng kanilang pelikula na hango sa Japanese drama na Pure Soul na ipo-produce ng Viva Films, GMA Pictures, at APT Entertainment.

Ayon kay Alden, gusto niyang sundan ang mga yapak ni Bea dahil sa kanyang mga nagawang pelikula.

Aniya, "Ako, seriously, lagi ko naman sinasabi B, e. Super fan ako.

"Fan talaga ako ni Bea, especially 'yung Bea-John Lloyd tandem. Parang sila 'yung naging inspirasyon ko nung naging artista ako. Parang I want to follow in their footsteps.

"Tsaka tatanggi ka pa ba? Bea Alonzo yan, e."

Hindi naman one-sided ang nararamdaman ni Alden na paghanga kay Bea dahil mismong si Bea ay gusto ring makatrabaho ang aktor, lalo na nang mapanood niya ang pelikulang Hello, Love, Goodbye.

Pinagbidahan nina Alden at Kathryn Bernardo ang Hello, Love, Goodbye na ipinalabas noong 2019 at naging highest-grossing Filipino film.

Pahayag ni Bea, "Ako naman, na-excite ako kasi when we were together for a commercial in Bangkok, pinag-uusapan lang namin 'to, e.

"I watched his movie with Kathryn and nung napanood ko siya, nandoon ako sa premiere night nila.

"In fairness, sabi ko, 'yung Alden parang ang galing, parang gusto kong makatrabaho 'yon.'

"So I'm excited na magtatrabaho na kami this time and actually nakapag-workshop na kami, and doon pa lang nakikita ko na how dedicated he is as an actor."

Nakausap rin ng GMANetwork.com ang presidente ng GMA Pictures na si Atty. Annette Gozon-Valdes sa nangyaring contract signing sa pagitan ng tatlong production companies.

Para kay Ms. Annette, perfect ang Pure Soul para kina Alden at Bea.

Saad niya, "We feel that this project is perfect talaga for the both of them.

"Sa galing nila umarte, kayang kaya nila itong project na ito."

Para naman kay APT Entertainment President at CEO Mike Tuviera, marami silang natatanggap na offer para bumida si Alden sa iba't ibang pelikula pero karamihan dito ay tinatanggihan nila.

Ang APT Entertainment ang namamahala ng movie career ni Alden kasama ang GMA Artist Center.

Pag-amin ni Direk Mike, "We handle Alden's movie projects so you can imagine ilan ang dumadating sa amin na mga proposals, and mga pitches specifically for Alden.

"Unfortunately, we have to turn a lot of them down [but] when this came to us, what the story originally was, and then kasama si Bea.

"Sabi namin, 'Wala. It's a no-brainer.'"

Balikan ang mga nangyari sa contract signing ng Viva Films, GMA Pictures, at APT Entertainment para sa pelikulang ito:

It's official: Alden Richards and Bea Alonzo to star in PH movie adaptation of 'Pure Soul'

Bea Alonzo on working with Alden Richards: "I feel comfortable with Alden"