Claire Dela Fuente, pumanaw na sa edad na 63

Pumanaw na ang beteranong mang-aawit na si Claire Dela Fuente sa edad na 62 dahil sa "cardiac arrest."

Kinumpirma ng anak ni Claire na si Gregorio Angelo "Gigo" de Guzman na namatay ang kanyang ina kaninang umaga, March 30.

Nasa ospital si Claire dahil nag-positibo ito sa COVID-19. Bukod rito, mayroon ding anxiety, hypertension, at diabetes si Claire, ayon kay Gigo.

Nagpaabot naman ng pakikiramay ang ilang celebrities sa pagkamatay ni Claire.

Sulat ng komedyanteng si Wacky Kiray sa isang tweet, "Rest in peace miss claire dela fuente.. salamat sa magandang musika na iyong binahagi sa amin."

Bumuhos rin ng pakikiramay ng netizens para sa pamilya ni Claire, na tinaguriang Karen Carpenter of the Philippines.

Isa si Claire sa tinaguriang Jukebox Queens noong 1980s na nagpauso ng mga kantang "Sayang," "Nakaw Na Pag-Ibig," at "Minsan Minsan."

Nitong 2020, nasakangkot ang anak ni Claire na si Gigo sa pagkamatay ni Christine Dacera.

Bukod sa pagiging singer, may restaurant din si Claire sa Pasay City, ang Claire Dela Fuente Grill and Seafood Restaurant.

Rest in peace, Claire.

Samantala, kilalanin pa ang ilang celebrities na namatay dahil sa sakit sa puso DITO: