Jeremiah Tiangco, tinupad ang hiling ni Jessica Villarubin
Nagsama ang dalawang The Clash champions na si Jeremiah Tiangco at Jessica Villarubin para sa song cover nila ng classic hit nina Lionel Richie at Diana Ross na "Endless Love."
Hindi sa stage nag-duet ang dalawa, kundi sa loob ng sasakyan ni Jeremiah kaya naman tinawag niya itong 'carpool cover.'
Naisipan ni Jeremiah na alukin si Jessica na maka-collaborate niya nang mapanood ng una ang interview ng PEP.ph sa Cebuana singer noong March 25.
Dito, nabanggit ni Jessica na gusto niyang maka-duet sa All-Out Sundays si Jeremiah kaya naman tinupad niya ang wish ng kanyang kapwa The Clash winner.
Ani Jeremiah, ni-record nila ang kanilang duet nang inihatid niya sa bahay si Jessica pagkatapos ng kanilang rehearsal para sa All-Out Sundays.
Ika niya, "On the way naman po siya at naisip namin na sulitin ito dahil matagal na naman po yata kami magkikita."
Panoorin ang kanilang "Endless Love" duet sa video na ito:
Samantala, marami naman ang natuwa sa pagsasama nina Jeremiah at Jessica sa isang song cover.
May ilan din ang nag-request sa dalawa na gumawa pa ng maraming collaborations.
Kabilang din dito ang US vlogger na si Mathias Werner.
Sa kanyang reaction video sa duet nina Jeremiah at Jessica, ni-request niya sa dalawang mang-aawit na kantahin ang "One Sweet Day" ni Mariah Carey at ng Boyz II Men.
Sabi ng foreign vlogger, "I think you two singing that song would be splendid because if you could do [Endless Love], you can do that song and you can make it sound fantastic."
Inihalintulad pa ni Matthias sina Jeremiah at Jessica kina Luther Vandross at Mariah, na mayroong ding version ng "Endless Love."
Pahayag niya, "They absolutely have to do more carpool songs. Jessica in a car with a little reverb is heaven, I loved it, and Jeremiah's voice mixed with hers. I mean, this was really giving me Mariah Carey and Luther Vandross vibes."
Si Jeremiah ang grand winner ng The Clash season two, samantalang si Jessica ang nanalo sa third season ng GMA singing competition.
Kilalanin pa ang The Clash champ na si Jessica dito: