Around GMA

Article Inside Page

Bibida sa bagong primetime series si Asia's Pop Superstar Julie Anne San Jose, ang Heartful Café, katambal si Kapuso hunk David Licauco.

Aniya, na-challenge siya sa kanyang karakter bilang si Heart Fulgencio dahil first time niyang sinubukan ang fourth wall acting technique sa serye.

“It's basically having an alter-ego pero hindi siya character.

"Si Heart pa rin pero meron lang siyang piece of herself, of her being, na sine-share niya rin sa audience.

“I think that's her way din of making herself relatable din,” pahayag ng singer-actress nang makapanyam ni Aubrey Carampel para sa 24 Oras.

Source: myjaps (Instagram)

May pagka-Koren drama ang peg ng Heartful Café na pinaghalong drama, comedy, at mayroon ding kilig moments sa pagitan nila ng leading man niyang si David.

Ito rin ang unang beses na nagtambal sina Julie at David.

Ani Julie Anne, disiplinado ang aktor pagdating sa kanyang craft at trabaho.

“Very disciplined and he would deliver sa kanyang craft. He knows what he's doing and sobrang passionate sa acting. He's thoughtful as well,” paglalarawan ni Julie Anne kay David

Source: davidlicauco (Instagram)

Samantala, nabigla naman daw si David sa ipinakitang husay sa pag-arte ni Julie Anne.

“Aside from the fact na si Julie very talented talaga and mas known siya sa pagiging singer niya. I was really surprised na ang galing din pala niyang umarte,

“She's easy to work with. Wala talaga siyang reklamo and very nice to everybody,” aniya.

Bukod sa kanila, tampok din sa feel good series ang isa pang Kapuso hunk na si EA Guzman na papapel sa TOTGA o The One That Got Away ni Heart.

Gaya ng sabi ni David, nagulat din umano si EA sa acting skills ni Julie Anne.

“Ang husay ni Julie especially sa mga medyo madrama naming eksena. Nakakagulat lang na meron pala siyang ganon,” aniya.

Source: ea_guzman (Instagram)

May bagong love teams din na ipakikilala sa Heartful Café, ang team up nina Ayra Mariano at Victor Anastacio.

“The more you hate, the more you love” daw ang peg ng kanilang pairing ayon kay Victor.

Source: ayramariano (Instagram), victoranastacio (Instagram)

Katutuwaan at kakakikiligan din ang tambalan nina Zonia Mejia at Jamir Zabarte rito.

“Baguhan ako, so may mga bagay pa ako na dapat ma-overcome sa sarili ko. Lahat po ng nakasama ko sobrang gaan,” kwento ni Jamir patungkol sa buong cast ng show.

Ayon naman kay Zonia, “Thankful din talaga ako kay Jamir kasi siyempre dahil magka-partner kami rito tulungan din talaga.”

Source: itszonia (Instagram), jamirzabarte (Instagram)

Samantala, hindi lang ang mga nabanggit na aktor ang dapat abangan ng Kapuso viewers dahil marami ring iba pang Kapuso artist ang may cameo appearances dito.

“We'll be featuring different artists din na mag-a-appear dun sa show,” sabi pa ni Julie.

Mapanonood na ang Heartful Café simula sa Lunes, April 26, sa GMA.

Kilalanin ang full cast ng serye sa gallery na ito: