EXCLUSIVE: John Vic De Guzman, magpapahinga muna sa showbiz para tutukan ang training sa national team?
Sasabak muli sa training ng pambansang koponan ang Owe My Love actor at former College of Saint Benilde spiker na si John Vic De Guzman. Dahil dito ay maaaring magpahinga muna sa show business ang Kapuso hothlete.
Matatandaan na sumama ang moreno actor sa three-day tryouts sa Subic Bay Freeport Zone noong April 28 -30, kung saan pipiliin ang mga susunod na atleta na magiging parte ng men's and women's national volleyball teams.
At kahapon, May 11, inilabas na ng Philippine National Volleyball Federation (PNVF) ang mga pangalan na napili para mapasama sa national volleyball pool:
Setters
1. Jessie Lopez (Air Force) *
2. Kim Dayadante (Go for Gold)
3. Ish Polvorosa (Unattached) *
4. Josh Retamar (NU/Sta. Elena) *
Outside Hitters
5. Mark Alfafara (PLDT) *
6. Marck Espejo (Cignal) *
7. Bryan Bagunas (Go for Gold) *
8. Jao Umandal (PLDT) *
9. Nico Almendras (NU/Sta. Elena)
Opposites
10. John Vic de Guzman (PLDT) *
11. Ysay Marasigan (Cignal)
12. Joeven dela Vega (Navy)
Middle Blockers
13. Rex Intal (Cignal) *
14. Kim Malabunga (Go for Gold) *
15. Francis Saura (Go for Gold) *
16. JP Bugaoan (Cignal)
17. Lloyd Josafat (UE/PLDT)
Liberos
18. Jack Kalingking (Navy) *
19. Ricky Marcos (Go for Gold) *
20. Manuel Sumanguid (Cignal)
Sa opisyal na pahayag na ibinahagi ni John Vic exclusively sa GMANetwork.com, ramdam ang excitement niya na muling mapabilang sa national team pool.
Wika niya, “It will always be my pleasure to serve the Philippines. Salamat po sa pagkakataon muli.”
Umamin din ito na pansamantala muna siyang magpapahinga sa paggawa ng TV series para matutukan ang magiging training nila sa mga susunod na araw at buwan.
Paliwanag ng GMA Artist Center talent, “Sa pagawa po ng TV series at pelikula opo pansamantala, focus po muna 100% sa volleyball.
“But andyan pa rin naman po yung online / social media commitments and engagements na pwede naman pong isabay.”
Kabilang si John Vic sa men's volleyball team na nag-uwi ng silver medal sa 2019 SEA Games na idinaos sa Pilipinas. Sa muling pagsabak niya sa kumpetisyon inisa-isa rin niya ang mga gusto niyang i-improve this time.
Saad niya, “Siguro reception and blocking. Mas pagtutuunan natin 'yan ng pansin for improvement.”
Mas lalong kilalanin ang Kapuso hotlete na si John Vic De Guzman: