John Lloyd Cruz, GMA Pictures president Annette Gozon-Valdes, nag-usap para sa grand comeback ng aktor?
Matapos ang halos limang taong paglayo sa limelight, muling nagbabalik sa mundo ng showbiz ang award-winning actor na si John Lloyd Cruz at mapapanood ito sa Kapuso Network.
Mapapanood ang aktor sa show ni Willie Revillame na Wowowin para sa grand event ng isang shopping app sa June 6.
Source: crownartistmgmt (Instagram)
Una nang ibinahagi ni Willie sa programa na nagkausap sila ni John Lloyd nang bisitahin siya nito sa resort niya sa Puerto Galera.
Sa kanilang heart-to-heart talk, inamin umano ng aktor na na-burn out siya sa kanyang buhay showbiz kaya nagpasya siyang pansamantala munang umalis noong 2017.
Naging mailap sa publiko ang aktor ngunit kamakailan ay ginulat niya ang publiko nang ianunsiyo ng talent management ng aktres na si Maja Salvador, ang Crown Artist Management, ang pagpirma ng kontrata ng aktor dito.
Samantala, bukod sa appearance niya sa Wowowin, nakapag-usap na rin umano sina John Lloyd at GMA Pictures president Annete Gozon-Valdes para sa posibilidad ng grand comeback ng aktor.
Samantala, kilalanin ang iba pang celebrities na iniwan ang buhay-showbiz sa gallery na ito:
Related content:
Willie Revillame, bakit humanga sa paglisan ni John Lloyd Cruz sa showbiz noon?