Pokwang, lubos ang pasasalamat sa panibagong trabaho

Lubos ang pasasalamat ng comedy actress na si Pokwang dahil sa pagbabalik niya sa trabaho.

Tulad ng maraming celebrities, matindi ang naging epekto ng COVID-19 pandemic sa trabaho ni Pokwang bilang artista.

sa Instagram post ngayong araw, June 2, todo ang pasasalamat niya sa Diyos sa natanggap niyang blessing.

May kalakaip na #Backtowork din ang naturang post ni Pokwang.

“Goodmorning 🏼️ minsan di ko alam talaga kung deserve ko nga talaga lahat ng biyaya at mga dasal na sinasagot mo Lord God 🏼 pero sa pagkakaalam ko nararapat lang na ikay pasalamat sa lahat ng ganap sa aking buhay maganda man o hindi dahil alam ko lahat ng ito ay pagmamahal mo ang dahilan kaya naririto ako at nakaka survive 🏼 i love you at salamat po..... #Backtowork.”

Matatandaan na napanood sa GMA Network si Pokwang noong nakaraang taon dahil sa viral guest appearance niya sa "Bawal Judgmental" segment ng Eat Bulaga.

Habang pansamantalang natigil sa showbiz, naging abala si Pokwang sa pag-aalaga sa kanyang American partner na si Lee O'Brian at kanilang anak na si Malia Francine, na ipinaganak niya noong January 2018.

May panganay din siyang babae na si Mae na anak niya sa dating kinakasama.

Kilalanin ang adorable baby nina Mommy Pokwang at Daddy Lee na si Baby Malia sa gallery below: