Around GMA

Article Inside Page

May higit 1.7 million views na ang video ng 'Sakripisyo' episode ng bagong 'Wish Ko Lang' sa Facebook. Umere ang nasabing episode nitong June 12, Araw ng Kalayaan.

Starring sa 'Sakripisyo' episode ang Kapuso star na si Ruru Madrid. kung saan gumanap siya bilang ang working student na si Manny.

Talagang marami ang naantig sa kuwento ni Manny. Simula kasi nang maglaho ang kanyang ama, siya na ang tumayong padre de pamilya.

Pinagsabay niya ang pagtatrabaho sa maisan at ang kanyang pag-aaral kaya naman hirap siyang makakuha ng mataas na grado sa eskwelahan.

Dahil dito, minsan ay napagsasalitaan siya ng hindi maganda ng kanyang ina (Alma Concepcion).

Simula kasi ng iwan sila ng kanyang ama, tila si Manny ang napagbuntungan ng galit ng kanyang ina.

Mabuti na lamang at nandiyan palagi ang lola (Chanda Romero) at mga kaibigan ni Manny na sina Angel (Angela Alarcon) at (Chikana) Sassa Gurl.

Sina Ruru Madrid, Angela Alarcon at Sassa Gurl sa Wish Ko Lang / Source: Wish Ko Lang

Ngunit isang araw, isang malagim na aksidente ang kinaharap ni Manny sa trabaho nang mahigop ng makina ang kanyang kamay, na naging dahilan ng kanyang pagkamatay.

Mabuti na lamang at bago siya pumanaw ay nagawa pa ng kanyang ina na humingi ng tawad sa mga pagkukulang niya.

Kasama rin sa 'Sakripisyo' episode ang character actress na si Sue Prado at 'Voltes V' actor na si Matt Lozano.

Bukod sa nakakaantig na pagganap ng cast, inabangan rin ng viewers ang bagong simulang hatid ng Fairy Godmother ng Bayan na si Vicky Morales.

Ang Fairy Godmother ng Bayan na si Vicky Morales / Source: Wish Ko Lang

Tinupad ng bagong 'Wish Ko Lang' team ang pangarap ni Manny para sa kanyang pamilya na magkaroon sila ng sariling negosyo.

Kung hindi mo pa ito napapanood, nasa ibaba ang video ng full episode nito.

Para sa iba pang nakaaantig na kuwento na kapupulutan ng aral at inspirasyon, manood ng bagong 'Wish Ko Lang' tuwing Sabado, alas-4 ng hapon sa GMA-7.

Bukod kay Sassa, alamin kung sinu-sino pang mga online sensations ang pumasok sa showbiz sa gallery na ito.