Ysabel Ortega gets stamp of approval from 'Here's Your Perfect' singer Jamie Miller
Bukod sa pagiging magaling na aktres, may ibubuga rin sa pagkanta ang Voltes V: Legacy star na si Ysabel Ortega.
Sa katunayan, napabilib niya ang Welsh musician at The Voice UK 2017 third runner-up na si Jamie Miller nang sumabak si Ysabel sa 'high note' challenge sa TikTok para sa bagong single ng foreign singer na "Here's Your Perfect."
Napa-comment si Jamie ng apat na flexed biceps emoji sa TikTok video ni Ysabel na nagpapahiwatig na successful ang pag-abot ng Kapuso star sa mataas na nota ng kanta.
Sa loob lamang ng isang araw matapos itong i-upload, nakakuha na agad ang post ng mahigit one million views.
May mahigit 281,000 likes at 1,950 comments na rin ito sa trendy short-form video app.
@ysabelortega_ ##heresyourperfect ##heresyourperfectchallenge
♬ original sound - Ysabel Ortega
Kamakailan ay nag-viral si Ysabel dahil sa kanyang stunt training para sa highly-anticipated live-action series na Voltes V: Legacy.
Dito ipinamalas ng anak nina Lito Lapid at Michelle Ortega ang mga natutunan niya sa martial arts at combat sports bilang paghahanda sa kanyang role as Jamie Robinson ng Voltes V team.
Sa ngayon napapanood si Ysabel sa weekly variety show na All-Out Sundays.
Tingnan ang glow up transformation ni Ysabel dito: