Gabbi Garcia, Gil Cuerva, at ilan pang Kapuso stars, nagbunyi sa pagkapanalo ni Nesthy Petecio

Kabilang ang celebrities sa mga Pilipinong natuwa sa makasaysayang panalo ni Nesthy Petecio sa 2020 Tokyo Olympics, kung saan nakakuha siya ng silver medal sa Boxing.

Sa isang tweet, binati ni In Real Life host Gabbi Garcia si Nesthy.

Sulat ni Gabbi, "Nesthy for Silver!!! We are proud of you!!! CONGRATULATIONS!!!"

Kahit na silver medal lang ang nakuha ni Nesthy, pinaalala pa rin sa kanya ng host ng Taste Buddies (https://www.gmanetwork.com/entertainment/tv/taste_buddies/videos/) na si Gil Cuerva na proud pa rin ang buong Pilipinas sa kanyang narating.

Tweet ni Gil, "It's ok Nesthy, it was a good fight. I also felt the Japanese fighter did well. But you've still made us all proud."

Sa isang kasunod na tweet, sinabi ni Gil na, "Let us also be gracious in defeat."

Sa Instagram, sinabi ng direktor ng Voltes V: Legacy na si Mark Reyes na "humanity" pa rin ang mananaig sa dulo.

Sulat niya sa caption, "This is what the #olympics is all about. Regardless of the outcome. Humanity wins at the end."

Nagpaabot rin ng pagbati sina Miss Unvierse 2015 Pia Wurtzbach, at Miss Universe 2013 Aiella Arida.

Bukod kay Nesthy, nauna nang nanalo ng gintong medalya si Hidilyn Diaz sa weightlifting.

Samantalang siguradong may makukuha na ring medalya sina Carlo Paalam at Eumir Marical sa boxing.

Congratulations!