Kylie Padilla at Andrea Torres, nagpakilig sa teaser ng 'BetCin'

Inilabas kahapon, August 5, ang teaser ng bagong proyekto nina Kylie Padilla at Andrea Torres na BetCin.

Ibinahagi rin ni Kylie sa Instagram ang screenshots mula sa teaser ng BetCin kung saan makikita ang sweet moments nila ni Andrea. Gagampanan ni Kylie ang karakter ni Beth habang si Andrea ay gaganap bilang Cindy.

Sa loob ng isang minuto, ipinakita sa teaser kung ano ang namamagitan kina Beth at Cindy. Ipinakita rin ang nakakakilig na mga sandali nina Cindy at Beth tulad na lamang ng kanilang matatamis na titigan.

Sa naturang teaser, parehong nakasuot pangkasal ang dalawa.

Sa pagtatapos ng teaser, makikitang naglakad ang dalawa palayo sa isa't isa pero napatigil at parehong tumingin pabalik.

May kasalan kayang magaganap kina Beth at Cindy? Totoo kaya ang lahat ng ito o isa lamang pagpapanggap?

Samantala, tingnan sa gallery na ito ang sweet moments nina Kylie Padilla at Andrea Torres: