Mayor Isko Moreno, nakalabas na ng ospital

Nakalabas na ng ospital si Manila Mayor Isko Moreno matapos maka-recover sa COVID-19.

Nito lamang umaga, masayang ibinahagi ni Moreno sa publiko ang mga litrato na siya ay papalabas na ng ospital kung saan isinagawa ang monitoring para sa kanyang kalagayan.

Courtesy: Isko Moreno Domagoso (FB Page)

August 15, 2021, nang pumutok ang balita mula sa Manila Public Information Office na nag-positibo sa COVID-19 si Mayor Francisco "Isko Moreno" Domagoso.

Si Moreno ay na-confine sa Sta. Ana Hospital sa Maynila sa loob ng halos 10 araw.

Minor cough, colds, at body pains ang naranasang sintomas ni Moreno.

Una nang ibinalita ni Sta. Ana Hospital director Dr. Grace Padilla na nasa stable condition si Moreno at mino-monitor nila ito ng husto.

Ngayong araw ay pinayagan na siyang makalabas ng ospital.

Makikita sa mga larawan na dumiretso si Yorme sa ambulansya at hindi muna nag-entertain ng interviews.

Courtesy: Isko Moreno Domagoso (FB Page)

Kasunod ng kanyang paglabas sa ospital, ililipat si Moreno sa kanyang opisina upang doon ipagpatuloy ang kanyang quarantine na magtatagal ng tatlo hanggang apat na araw.

August 19 naman nang nakalabas ng ospital si Manila Vice Mayor Honey Lacuna na unang nag-positibo sa COVID-19.

Courtesy: Manila PIO

Samantala, kilalanin ang iba pang celebrities at public figures na nagpositibo rin sa COVID-19: