Around GMA

Article Inside Page

Lubos ang pagdadalamhati ng mga aktor sa dating primetime series na Owe My Love dahil sa pagpanaw ng kanilang co-star na si Mahal, o Noeme Tesorero sa totoong buhay.

Kahapon ang binalot ng kalungkutan ang local showbiz dahil sa pagkamatay ng kilalang komedyante, na gumanap bilang si Mini Divi sa Owe My Love.

Sa pamamagitan ng Instagram post, inalala ni Comedy Queen Aiai Delas Alas ang masasayang pagkakataon na nakasama niya ang 46-year-old comedienne sa teleserye.

Ayon kay Aiai, natulala siya nang malaman ang balita, "Nawalan ako ng isang barkada sa industriya."

View this post on Instagram

A post shared by AIAI DELAS ALAS (@msaiaidelasalas)

Isang masayang larawan naman kasama si Mahal ang ipinost ni Kiray Celis sa kanyang Instagram account. Kalakip nito ang kanyang mensahe sa yumaong katrabaho.

Ani Kiray, "Sa liit na panahon na nakasama kita, ganun naman kalaki ang naibigay mong saya sa puso ko.

"Ayoko isipin.. ayoko tanggapin.. ayokong maniwala ate noeme mahal na mahal kita."

View this post on Instagram

A post shared by Kiray Celis (@kiraycelis)

Ang mga bida ng dating GMA Telebabad series na sina Lovi Poe at Benjamin Alves ay nagpahayag din ng kalungkutan sa pagpanaw ng dating kasamahan.

Ani Lovi sa kanyang post, "Such sad news.. ate mahal we love you [crying face and broken heart emojis]"

Such sad news.. ate mahal we love you😢💔

-- Lovi Poe (@LoviPoe) August 31, 2021

Ganito rin ang mensahe ni Benjamin sa kanyang Instagram Story.

Sa kabilang banda, nagpasalamat si Winwyn Marquez sa yumaong si Mahal dahil sa pagiging ate nito sa kanya noong magkasama sila sa Owe My Love.

Sabi ni Winwyn Marquez, "Naging ate na talaga kita. Lagi mo akong sinasamahan at inaalagaan... Ate Mahal naman eh ang sakit na iniwan mo kami [sad face emoji]."

Narito ang ilan pang malulungkot na mensahe para kay Mahal mula sa co-stars niyang sina Jackie Lou Blanco, Ruby Rodriguez, at Leo Domiguez.

Samantala, narito ang ilang local celebrities na pumanaw ngayong 2021: