Bakit na-rattle si Carla Abellana sa isang eksena niya sa 'To Have And To Hold?'
Aminado ang Kapuso primetime star na si Carla Abellana na nataranta siya sa isa sa crucial scenes na kinunan niya sa lock-in taping ng upcoming teleserye na To Have And To Hold sa Bataan.
Sa latest vlog ni Carla, nagkuwento ito sa mabigat na eksena nila ng kanyang leading man na si Rocco Nacino na gaganap bilang Gavin.
Naging mahirap daw ang shooting dahil on the spot ginawa ang mga linya nila.
Pagbabalik-tanaw ng Kapuso actress, “'Yung isa sa mga pinaka-importante, crucial na scenes sa To Have And To Hold, e, ngayong lang nakunan - on the spot naibigay ang lines.
“It's part of the story, in fact, it's part of the finale week 'yung aming last script, so all of us Rocco, myself, and our director, Direk Don Michael Perez decided na parang, it would be better if dadagdagan namin or may iibahin kaming parts.”
Source: Carla Abellana (YT)
Firs-time raw ni Carla na maka-experience ng ganito, dahil mas gusto niya well-prepared na siya sa tuwing sasabak sa taping.
Aniya, “So in my entire career, first-time ko lang na-experience na napakabigat nung eksena, napaka-crucial nung eksena, napaka-haba nung eksena walang lines, oh my gosh!
“So ako pa naman I'm the type who would read the script over-and-over, just to be able memorize my lines. 'Di bale na mag-over prepare at least memorize ko 'yung lines ko.
“And I don't bring the script anymore to the set, so first-time ko na-experience na walang lines, completely revised 'yung scene and on the spot 'yung mga linya na bago.”
Dagdag niya, “So, I was rattled a bit, to be honest, because that never happened to me before and while our director is revising the lines of the spot walang pumapasok sa utak ko, e, super heavy nung scene, super crucial.
“Akalain n'yo nagawa naman ng paraan, kung ano 'yung original na nasa script, mas humaba pa 'yung lines, mas humaba pa 'yung eksena, sobrang bigat as in super bigat.
“Nabuo naman namin siya and we really took time to memorize 'yung ganun. Nagawa naman ng paraan, nabuo naman.”
Bukod kina Carla at Rocco, makakasama rin sa To Have And To Hold sina Max Collins, Luis Hontiveros, Athena Madrid, Valeen Montenegro, at si Rafael Rosell na may special participation.
Mapapanood ang To Have And To Hold soon sa GMA Telebabad.