Michael V. at Manilyn Reynes, kapit-kamay sa pagtulong kay Direk Bert de Leon

Buong-puso ang pagtulong ng Kapuso A-list stars na sina Michael V. at actress-singer Manilyn Reynes para sa kanilang director at mabuting kaibigan na si Direk Bert de Leon.

Ayon sa post ng multi-awarded comedian, tinamaan ng sakit na COVID-19 si Direk Bert at ilan sa mga kaibigan nito ang naka-isip na magsagawa ng isang fundraising event para sa kanya.

Kilala si Direk Bert bilang director ng ilan sa well-loved Kapuso programs tulad na lang ng Bubble Gang, Pepito Manaloto, at Eat Bulaga.

Sambit ni Direk Bitoy na isa din COVID-19 survivor tungkol sa kaibigan, “Bert de Leon is the director of #EatBulaga, #PepitoManaloto and #BubbleGang for the longest time. He's handled top rating shows throughout his and our lifetime; a lot more than you can imagine! (Google it and you'll be surprised!).”

“He unfortunately contracted COVID last month and has been in the hospital since then. Some of his friends decided to produce a fundraiser for him. If you wish to participate, checkout the details in the photo. Feel free to SHARE this with your friends!”

Shinare din ng tinaguriang 'Star of the New Decade' noong '90s na si Manilyn Reynes ang detalye ng fundraising event para kay Direk Bert sa Instagram.

“For our good friend, Direk Bert❤️ Sa October 10 ng 8PM, Manila time ito. Nasa photo po ang detalye, para sa inyong mga gustong maging bahagi.

“At sana mai-share niyo rin po sa mga kaibigan niyo. Salamat po.”

Kasalukuyang napapanood si Manilyn bilang narrator sa prequel ng Pepito Manaloto: Ang Unang Kuwento, kung saan kasama rin niya si Michael V.

Tumatayo naman hindi lamang bilang cast member si Bitoy sa Pepito Manaloto at Bubble Gang, kundi pati na rin bilang creative director ng dalawang programa.