Around GMA

Article Inside Page

Mahigit isang buwan nang pumunta sa New York City ang aktres na si LJ Reyes matapos ang hiwalayan nila ng dating nobyong si Paolo Contis.

Ayon kay LJ, nakapag-adjust na ang kanyang dalawang anak na sina Aki at Summer sa kanilang bagong buhay sa Amerika.

Kuwento niya kay Nelson Canlas sa 24 Oras, "Okay naman ['yung kids], they're adjusting very well. Aki goes to face-to-face class here para naman ma-experience niya 'yung normal na buhay ulit."

Sa kasalukuyan, nagte-training si LJ sa kanilang family restaurant pero hindi pa rin malinaw kay LJ kung ano ang mangyayari sa hinaharap.

Bukod sa kanyang pamilya, malaki rin ang pasasalamat ni LJ sa Filipino community sa New York.

"You know, surprisingly, walang pang dumating dito na Pinoy na nagtanong sa akin about or mention anything about my personal life. 'Yung iba, ang sinasabi lang sa akin na parang, 'We're so happy na nakita ka namin,' ganyan. 'We just want to let you know that we support you.' And no mention of anything else," kuwento niya.

Napatawad naman na ba ni LJ si Paolo?

Sagot niya, "Ang forgiveness is a work in progress. You know, hindi madaling ibigay ang forgiveness, e, 'di ba?"

"I mean, lahat naman tayo, we get hurt, we get angry but you work on it everyday to forgive people, to forgive maybe yourself or whoever. You pray about it. For me, hindi kasi siya madaling bagay na ibigay. So surrender lang talaga kay God. And I'm working on it," dagdag ni LJ.

Balikan ang naging relasyon nina LJ at Paolo sa pamamagitan ng mga larawang ito: