GMA Christmas Station ID 2021 Lyric Video, may 1M views na sa Facebook!

Opisyal nang inilabas noon October 17 ang jingle ng GMA Christmas Station ID 2021 na pinamagatang "Love Together, Hope Together."

Naging mainit ang pagtanggap ng mga netizens sa kanta at lyric video kaya umabot pa ito sa top trending topics sa Twitter Philippines noong araw ding iyon.

Umani din ito ng papuri dahil sa catchy lyrics at melody, bukod pa sa inspiring na mensahe nito.

Ngayon naman, umabot na ng one million views sa Facebook ang official lyric video para sa kanta.

Panoorin ang GMA Christmas Station ID 2021 Lyric Video ng awit na "Love Together, Hope Together" dito.

Sina BJ Camaya, Emman Rivera, and Jann Lopez ang sumulat ng lyrics ng "Love Together, Hope Together" habang si Simon Peter Tan naman ang nag-compose at nag-arrange nito.

Nagsanib-puwersa naman ang mga Kapuso singers na sina Asia's Nightingale Lani Misalucha, Asia's Limitless Star Julie Anne San Jose, Asia's Romantic Balladeer Christian Bautista, Aicelle Santos, Mark Bautista, Maricris Garcia, Rita Daniela, Arra San Agustin, Garrett Bolden, Faith Da Silva, Anthony Rosaldo, Jessica Villarubin, Hannah Precillas, Jeremiah Tiangco, Thea Astley, at XOXO para i-perform ang awit.

Silipin ang kanilang recording session para sa "Love Together, Hope Together" sa eksklusibong gallery na ito.