Yasmien Kurdi, hinirang na 'Most Inspiring Filipino Actress of the Year' sa Gintong Parangal
Isa na namang pagkilala ang natanggap ni Kapuso actress Yasmien Kurdi.
Hinirang kasi siya bilang Most Inspiring Filipino Actress of the Year sa ginanap na 2021 Gintong Parangal.
Dumalo si Yasmien sa gabi ng parangal suot ang isang modern black Filipiniana dress na idinisenyo ni Ian Capistrano.
"Maraming salamat po. Good evening everyone, sa mga nandito. I would like to thank Gintong Parangal for this recognition. It's an honor and a humbling experience to be part of this event especially dahil nandito kayo. Kayo 'yung mga nakapagbigay ng karangalan at nakapag-inspire ng mga tao dito sa ating society. Alam niyo ngayong gabing ito, nakaka-proud maging Filipino dahil sa inyo, dahil nandito kayong lahat. Congratulations po sa inyong lahat," pahayag ni Yasmien sa kanyang thank you speech.
Umaasa raw si Yasmien na lalo pang makapaghatid sa mga manonood ng responsableng viewing experience.
"Most Inspiring Filipino Actress of the Year, maraming salamat po talaga, Gintong Parangal. I hope I could inspire more people and be partners with our viewers for a responsible TV viewing. I would like to thank my family--my husband, my daughter--for inspiring me to do my best in what I do. Above all, I would like to thank our Lord God for keeping us safe, especially during this pandemic. Maraming-maraming salamat po, Lord. We're all safe. Mabuhay po kayong lahat. Para sa inyo po ito. Thank you," lahad ng aktres.
Kasalukuyang napapanood si Yasmien sa GMA Afternoon Prime series na Las Hermanas.