Beauty Gonzalez teases new film with Kelvin Miranda

Naging matagumpay ang unang kuwento ng GMA Afternoon drama anthology na Stories from the Heart ang “Loving Miss Bridgette” na pinagbidahan nina Beauty Gonzalez at Kelvin Miranda kamakailan. Bagama't May-December love affair ang kuwento nito, pumatok at nagustuhan naman ng maraming netizens ang kanilang naging tambalan.

Ngayon, tila sa big screen naman mapapanood at magpapakilig ang KelTy sa pelikulang ginagawa ngayon ng direktor na si direk Adolfo Alix Jr.

Sa Instagram post ni Beauty, makikita ang sweet photo nila ni Kelvin na kuha sa set ng isang pelikula.

"Do You Really Want To Live Forever? #AfterAll A film by @aalixjr," caption ni Beauty sa kaniyang post.

Kasabay nito, may Instagram post din si direk Alix kung saan makikita sina Beauty at Kelvin na may new look para sa kanilang mga bagong karakter.

Sulat ng direktor, "Experiencing the magic all over again! Thank you for the trust! Meet Yna & Joseph. #AfterAllDay2."

Wala pang pormal na anunsyo at detalye patungkol sa pelikula, pero tiyak na may aabangan muli ang fans ng tambalan nina Beauty at Kelvin.

Samantala, balikan ang naging kwento nina Bridgette (Beauty Gonzalez) at Marcus (Kelvin Miranda) sa gallery na ito: