Iya Villania, balik-trabaho na sa '24 Oras' matapos makipaglaban sa COVID-19

Bumalik na sa kanyang trabaho sa 24 Oras ang host na si Iya Villania matapos gumaling mula sa COVID-19.

"Good evening mga Kapuso, I am so back!" pagbati niya Iya sa kanyang live "Chika Minute" updates noong Biyernes, January 21.

Nagpositibo sa COVID-19 sina Iya at Drew Arellano, maging ang tatlo nilang mga anak na sina Antonio Primo, Alonzo Leon, at Alana Lauren, noong ikalawang linggo ng Enero.

Noong January 18, ibinahagi ni Drew na "almost 100%" nang naka-recover ang buong pamilya mula sa virus.

Samantala, kasalukuyang ipinagbubuntis ni Iya ang ikaapat na anak nila ni Drew, na una niyang inamin sa Mars Pa More noong January 3.

Tingnan ang masayang pamilya nina Iya Villania at Drew Arellano sa gallery na ito: