Tampok ang real-life couple na sina Megan Young at Mikael Daez sa kuwentuwaan ngayong Linggo, January 21.
Gaganap sina Megan Young at Mikael Daez bilang ang bagong kasal na sina Grace at Carlo.
Matapos ang halos isang taon, matutupad na ang pangarap nilang magkaroon ng sarili nilang bahay.
Ang hindi nila alam, pagmumulan pala ito ng away.
Sasama kasi sa paglipat nila si Lenlen, nanay ni Carlo, at si Maui, nanay ni Grace.
At maraming hindi mapagkasunduan ang magbalae.
Ang away ng magbalae, naging away na rin ng mag-asawa.
Magdedesisyong maghiwalay sina Carlo at Grace.
Makatulong kaya ang cameo role ni Eugene Domingo para hindi rito magwakas ang love story ng bagong kasal?
Dadalaw sina Grace, Carlo, Lenlen at Maui sa tindahan ni Uge para makipag-kuwentuwaan.
Huwag niyo itong palampasin sa 'Dear Uge' ngayong Linggo, January 21.