Kylie Padilla, nagpakitang gilas sa paglalaro ng billiards
Published On: February 18, 2022, 06:59 PM
Handa na si Kylie Padilla para sa bagong serye niya sa GMA, ang Bolera, kung saan bibigyang buhay niya ang billiard prodigy na si Joni.
Sa Instagram, ipinasilip ng aktres ang pag-eensayo sa bilyar kung saan nagawa nitong maipasok ang bola.
"Hi, Joni Girl," sulat ni Kylie na may kasamang hashtag "Bolera soon."
Bukod kay Kylie, nasa lock-in taping na rin sina Rayver Cruz, Jak Roberto, Gardo Versoza, at Joey Marquez. Makakasama rin nila sa sports drama na ito sina Jaclyn Jose at Ricardo Cepeda.
Samantala, sa isang post ni Gardo sa Instagram, mapapanood naman ang kulitan ng cast na todo sa paghataw sa viral dance na "Paro Paro G."
Abangan ang Bolera soon sa GMA Telebabad.